Tot op Hede
Op 05 Augustus 2018 gedurende oggend gebeds tyd, het ek ervaar dat VADER vir my sê om bediening te stig, Tent van Samekoms
Die doel van die bediening was eenvoudig duidelik:
Gaan terug na my volk, en begin by my mense. Rig hulle op, En laat hulle weet dat ons GOD uitkoms sal gee!! Want deur my Woord sal hulle die land weer in besit neem.
Omdat ons as mens van nature twyfel, het ek konstant oor die aangeleenthied gebid. VADER het in hierdie tyd op twee verskillende geleenthede vir my bevestiging gegee dat ek moes voortgaan. Vir nog ongeveer tien dae het ek aanhou bid en oor die saak nagedink.
In die daaropvolgende gebedtyd het ek twee woorde van VADER ontvang,
KRY LEWE!!!
Ek het dieselfde dag nog ons rekenmeesters gekontak (012 252 3030) om die bal aan die rol te sit om bediening te registreer. Die rekenmeester het my verwittig dat hulle vier name benodig het om voort te gaan. Ek het Elna meegedeel dat VADER slegs een naam gegee het en dat SY wil sou geskied. Onsteld het Elna met die proses voortgegaan en sy het my slegs vier ure na indiening gekontak en laat weet dat die naam, Tent van Samekoms aanvaar is.
Dieselfde het ook gebeur met die registrasie van die internet domain. Gedurende een Saterdag oggend terwyl ek bestuur het in Rustenburg, terwyl ek agter vragmotor gery het, het ek vir ‘n breukdeel die visioen gesien van hoe die bediening moet lyk. Dit moes vragmotors met sleepwaens wees, ten volle toegerus om self onderhoudend, die Woord te kan bring.
Die bediening moet ‘n reisende bediening wees wat deur Suid Afrika sal beweeg soos dit ons VADER behaag.
Met die fonds insameling het ek slegs begin, waarna VADER vir my gese het dat op die regte tyd, HY sal voorsien wat ons benodig. Hierin het my persoonlike dilemma begin en ek het meer vrae as antwoorde gehad aangaande die visie wat ek ontvang het.
“Gaan terug na my volk en begin by my mense”
Na wie verwys VADER in hierdie gedeelte, in ons land Suid Afrika?
Oor hierdie saak het ek herhaalde kere gaan bid, en ek het ure en ure se stiltetyd gebruik, opsoek na antwoorde.
Na verloop van 18 maande, het ek verskeie kere op dieselfde antwoord uitgekom.
Hulle wat binne VADER se wil leef, is deel van SY volk.
Vir vyf jaar was die bediening baie stil en slegs oggend boodskappe is uitgestuur op elektroniese media.
Op 05 Julie 2023 het ek ervaar dat die boodskap moet uitgaan dat die tyd verby is en dat ‘n nuwe seisoen vir Suid-Afrika gaan aanbreek, en dit het aanleding gegee tot die afskop op 09 September 2023 om 09h00.
